ክቡር ሚኒስትር

[ክቡር ሚኒስትሩ ጠዋት ከቤት ከመውጣታቸው በፊት ከሚስታቸው ጋር እያወሩ ነው]

 

  • ያዘዝኩሽን ያን ጉዳይ ምን አደረስሽው?
  • የቱን ጉዳይ?
  • ከውጭ ስለምናስመጣው ዕቃ ጉዳይ ነዋ፡፡
  • እየቀለድክ ነው?
  • አሁን ቀልድ የሚቀለድበት ጊዜ ነው ብለሽ ታስቢያለሽ?
  • ለዛ እኮ ነው እኔም የጠየኩህ?
  • ታዲያ ምን አደረግሽው?
  • ትንሽ አታፍርም?
  • ለምንድነው የማፍረው?
  • አገሪቷ ያለችበትን ሁኔታ እስቲ አስበው?
  • እሺ አሰብኩት፡፡
  • እኮ ምን አሰብክ?
  • አገሪቷ ከፍተኛ ዕድገት ላይ መሆኗን አሰብኩ፡፡
  • ኧረ ትንሽ እፈር?
  • ዓይን አውጣ መሆኔን ታውቂያለሽ?
  • ለነገሩ እውነትህን ነው ዓይን አውጣማ ነህ፡፡
  • አትስደቢኛ፡፡
  • አገሪቷ እንደዚህ ዓይነት ሐዘን ላይ ሆና ስለራስህ ቢዝነስ ታስባለህ አይደል?
  • ሴትዮ ቀን ተሌት የምንሠራው እኮ አገሪቷን ለማበልጸግ ነው፡፡
  • አገሪቷን ወይስ ራስህን?
  • ያልተጠየቅሽውን አትዘባርቂ፡፡
  • ትንሽ እንኳን አይሰማህም?
  • ምኑ ነው የሚሰማኝ?
  • የዜጐቻችን መታረድ?
  • በጣም ነው እንጂ የተሰማኝ፡፡
  • ለዛ ነዋ ከውጭ ስለሚመጣው ዕቃ በዚህን ወቅት የምትጠይቀኝ?
  • ታዲያስ?
  • አልገባኝም?
  • ሁሉን ነገር ከምንጩ ነው ማድረቅ ያለብሽ፡፡
  • ምን ማለት ነው?
  • ዜጐች እኮ የሚሰደዱት በድህነት ምክንያት ነው፡፡
  • እሱማ ግልጽ ነው፡፡
  • ስለዚህ ዋነኛ ጠላታችን ድህነት ነው ማለት ነው፡፡
  • ጀመረህ እንግዲህ ዲስኩርህ?
  • የእውነቴን ነው፡፡
  • እኮ ታዲያ ድህነትን ለምን አትቀርፉትም?
  • ለዚያ አይደል እንዴ ዕቃዎቹ ገቡ ወይ ብዬ የጠየኩሽ?
  • ምን እያልከኝ ነው? እኔ ደሃ ነኝ ልትል ነው?
  • ካልሠራሁ እኔስ መቼ ይቀርልኛል?
  • ምኑ ነው የሚቀርልህ?
  • ደሃ ሆኜ ከአገር መሰደድ ነዋ?
  • ኧረ ሰደድ እሳት ይብላህ፡፡
  • ምን አልሽ?
  • እናቱ የሞተችበትና ገበያ የሄደችበት እኩል ያለቅሳሉ አሉ፡፡
  • አርቀሽ ማሰብ አለብሽ፡፡
  • ምነው ለአገርህ አርቀህ ብታስብ?
  • ለአገርሽማ ርቀሽ ነው ማሰብ ያለብሽ፡፡
  • ግፍ እንዳይሆብህ፡፡
  • እውነቴን ነው እባክሽ ከራስ በላይ ምንድነው ያለው?
  • ፀጉር ነዋ፡፡
  • የለም የለም፣ ከራስ በላይ ንፋስ ሲሉ አልሰማሽም?
  • ብቻ ዋ!
  • የምን ዋ ነው?
  • ሳይቃጠል በቅጠል ሲሉ አልሰማህም፡፡
  • አንቺ ደግሞ ቬጂቴሪያን ከሆንሽ በኋላ ምሳሌሽ ሁሉ በቅጠላ ቅጠል ሆኗል፡፡
  • ብቻ አስብበት፡፡
  • አንቺም ያዘዝኩሽን አስቢበት፡፡

[ክቡር ሚኒስትሩ ቢሯቸው ሲገቡ ጸሐፊያቸው ተክዛ አገኟት] 

  • ምን ሆነሻል?
  • ምን አልሆንኩም?
  • እኮ ምን ሆንሽ?
  • የመን ገባ እኮ፡፡
  • ማን ነው የገባው?
  • አይኤስ፡፡
  • ቢገባስ?
  • በርካታ ወገኖቻችን እኮ አሉ፡፡
  • ዘመዶች አሉሽ?
  • ለዚያውም የቅርብ፡፡
  • እኔ እኮ ሕዝቡ ግርም ነው የሚለኝ፡፡
  • እንዴት ክቡር ሚኒስትር?
  • ምን ሊያደርግ ነው አሁን የመን የሚሄደው?
  • ሥራ ሊሠራ ነዋ፡፡
  • እኮ የመን ከኢትዮጵያ ተሽላ?
  • ከኢትዮጵያ ማን የማይሻል አለ?
  • ይህ እኮ ነው ችግሩ፡፡
  • የምን ችግር?
  • ለመሆኑ የመን ለመሄድ ስንት ነው የሚከፈለው?
  • 100 ሺሕ ብር ገደማ ነው፡፡
  • እየቀለድሽ ነው? ምን እያልሽ ነው?
  • እውነቴን ነው ክቡር ሚኒስትር፡፡
  • ችግሩ እኮ ይኼ ነው፡፡
  • ችግሩማ ድህነት ነው፡፡
  • ቆይ እስቲ እንደ አለቃ ሳይሆን እንደ ታላቅ ወንድምሽ እናውራ፡፡
  • እሺ፡፡
  • ኢትዮጵያ ውስጥ 100 ሺሕ ብር ያለው ደሃ ይባላል እንዴ?
  • አይባልም፡፡
  • ታዲያ ችግሩ ድህነት አይደለማ፡፡
  • እ…
  • ለነገሩ ድህነት ነው፡፡
  • እንዴት?
  • የአስተሳሰብ ድህነት፡፡
  • ሰው ግን ምን ያድርግ?
  • እንዴት ምን ያድርግ ትያለሽ?
  • ኢትዮጵያ ውስጥ ሰው ሆኖ ከመፈጠር አሜሪካ ዛፍ መሆን ይሻላል እየተባለ ነው የሚያድገው፡፡
  • እሱስ ልክ ነሽ፡፡
  • መንግሥት እኮ ሊያስብበት ይገባል፡፡
  • ምኑን?
  • ይህን የሕገወጥ ስደት ጉዳይ፡፡
  • ዓረብ አገር ዜጐች እንዳይሄዱ ከማድረግ ውጪ ምን ያድርግ?
  • መከላከል መፍትሔ አይሆንም፡፡
  • ታዲያ ምን ያድርግ?
  • ራሱ ሊቆጣጠረው ይገባል፡፡
  • እ…
  • በደንብ ከታሰበበት እኮ ብዙ ትርፍ አለው፡፡
  • እንዴት?
  • ባለፈው ጋዜጣ ላይ ሳነብ ፊሊፒንስ ውጭ ካሉ ዜጐቿ ወደ 12 ቢሊዮን ዶላር ታገኛለች፡፡
  • እሱማ እኛም ወደ ሦስት ቢሊዮን ዶላር አካባቢ እናገኛለን፡፡
  • እነሱም እንደ እኛ በርካታ ዓረብ አገር የሚሠሩ ዜጐች አሏቸው ግን…
  • ግን ምን?
  • የእነሱ ዜጐች ላይ ምንም ዓይነት ግፍ ሲሠራ ተመልክተን አናውቅም፡፡
  • እ…
  • ይህ ለምን እንደሆነ ያውቃሉ?
  • አላውቅም፡፡
  • ዜጐች ለሕገወጥ ደላሎች እንዳይጋለጡ መንግሥት ራሱ ዜጐችን በሕጋዊ መንገድ ስለሚልክ ነው፡፡
  • እ…
  • እና የእኛም መንግሥት ዜጐችን በሕጋዊ መንገድ ራሱ እየላከ እነሱንም ከጥቃት መከላከል አለበት፡፡ አገራችንንም መጥቀም አለበት፡፡
  • ልክ ብለሻል፡፡
  • ዝምታው ይብቃ፡፡
  • ምክርሽን ተቀብዬዋለሁ፡፡

[ክቡር ሚኒስትሩ አማካሪያቸውን አስጠሩት] 

  • ፈለጉኝ ክቡር ሚኒስትር?
  • ሕገወጥ የሰዎች ዝውውር ላይ የተጠኑ ጥናቶች አሉህ?
  • በሚገባ ክቡር ሚኒስትር፡፡
  • ለመሆኑ ችግሩ ምንድነው?
  • ችግሩ መጠነ ሰፊ ነው፡፡
  • አይኤስ የመን ገባ አሉ?
  • ሰነባበተ እኮ፡፡
  • እዚያ ደግሞ በርካታ ዜጐች አሉን አይደል?
  • ለዚያውም በሕገወጥ መንገድ የሄዱ ናቸዋ፡፡
  • በሕገወጥ መንገድ እንዴት ነው የሚገቡት?
  • በሕገወጥ አዘዋዋሪዎች አማካይነት፡፡
  • ሊቢያም እንደዚያ ነው የሚገቡት?
  • ሊቢያ እንኳን በሕጋዊም በሕገወጥ መንገድም ነው የሚገቡት፡፡
  • እንዴት?
  • በመጀመሪያ በሕጋዊ መንገድ ቪዛ አግኝተው ሱዳን ይገባሉ፡፡
  • እሺ፡፡
  • ሱዳን ከገቡ በኋላ ሊቢያ መንግሥት ስለሌለ ድንበሩን በቀላሉ ተሻግረው ይገባሉ፡፡
  • ከዚያ በኋላስ?
  • በለስ የቀናቸው ወደ አውሮፓ ይሻገራሉ፡፡
  • ያልቀናቸውስ?
  • ይታረዳሉዋ፡፡
  • እና በሕጋዊ መንገድ በሱዳን የወጡ ዜጐች ናቸው በሊቢያ የሚታረዱት?
  • አዎን ክቡር ሚኒስትር፡፡
  • ታዲያ ዓረብ አገር ሰው እንዳይሄድ ሲከለከል ለምን የሱዳን አልተከለከለም?
  • አርቀን ስለማናስብ ነዋ፡፡
  • እ…
  • ሁሌም ችግር ሲፈጠር ነው እንጂ መፍትሔ የምናስበው ቀድመን እኮ አስበን አናውቅም፡፡
  • ወይ ጣጣ፡፡
  • ምን ያህል እንደሚከፍሉ ደግሞ ያውቃሉ አይደል?
  • 100 ሺሕ ብር ገደማ ነው አሉ፡፡
  • ይህ እኮ የሚያሳየው ከፍተኛ የግንዛቤ እጥረት መኖሩን ነው፡፡
  • ሕዝቡን ማስተማር አለብን፡፡
  • ምንድነው የምናስተምረው?
  • በ100 ሺሕ ብር ኢትዮጵያ ውስጥ በርካታ ሥራ ሊሠራ እንደሚችል፡፡
  • መጀመሪያ ራሳችን መማር አለብን፡፡
  • ምን?
  • ሳይማር ያስተማረኝ የሚለው ተረት እኮ ድሮ ቀረ፡፡
  • እኛ ምንድነው የምንማረው?
  • ሰዎችን ማስመረር ማቆም መማር አለብን፡፡
  • በል ውጣልኝ፡፡

[የክቡር ሚኒስትሩ ወዳጅ ከውጭ ደወለ] 

  • ሰላም ክቡር ሚኒስትር፡፡
  • ሰላም፣ ሰላም፡፡
  • እንዴት ናት አገሪቱ?
  • ምን ይኼው ተረብሸናል፡፡
  • እኛም እዚህ በእጅጉ አዝነናል፡፡
  • ምን ታደርገዋለህ?
  • መንግሥት ተሻሽሏል ልበል?
  • በምኑ?
  • በዚህ በአጭር ጊዜ ሰላማዊ ሠልፍ መጠራቱ አስገርሞኛል፡፡
  • ኢትዮጵያ ውስጥ ሰላማዊ ሠልፍ ማድረግ እኮ በጣም ቀላል ነው፡፡
  • ሰላማዊ ሠልፍ ማድረግ ቀላል እንዳልሆነማ ይታወቃል፡፡
  • ሕገ መንግሥቱ ላይ እኮ ማንኛውም አካል የመሰብሰብ መብት አለው ይላል፡፡
  • ይኼው ተቃዋሚዎች ሁሌም መሰብሰብ አቃተን ይላሉ አይደል?
  • ተቃዋሚዎች እኮ ውኃ ቀጠነ ብለው ነው ሠልፍ የሚጠሩት፡፡
  • ለነገሩ ይኼኛውንም ሠልፍ የጠራችሁት ፈርታችሁ ነው ይባላል፡፡
  • ይህ የኪራይ ሰብሳቢዎች ወሬ ነው፡፡
  • ግን የእውነት ሠልፉን እንዴት ጠራችሁ?
  • አገራዊ አጀንዳ ስላለው ነዋ፡፡
  • ሌሎቹ ሠልፎች አገራዊ አጀንዳ የላቸውም ማለት ነው?
  • ነገርኩህ እኮ ሌሎቹ ውኃ ቀጠነ ብለው ነው የሚጠሩት፡፡
  • ስለዚህ ሴንሰር ታደርጋላችሁ ማለት ነው?
  • ምኑን?
  • ሠልፉን!